ಛಾಯೆ

ಮ್ಯಾಗ್‌ ಪೈ ರಾಬಿನ್

2011-01-05T09:00:00.000-08:00

art of building !

2010-12-27T18:17:00.000-08:00

ಇಳೆಯೇ ಸ್ವರ್ಗ !

2010-09-12T10:42:00.000-07:00

ಕಾಸರಗೋಡು ಜಿಲ್ಲೆಯ ಪೈವಳಿಕೆ ಸಮೀಪ ನಮ್ಮ ಸಂಬಂಧಿಕರೊಬ್ಬರ ಮನೆಗೆ ಹೋಗಿದ್ದೆ, ಮುಂಜಾನೆ ಭೂರಮೆಯ ಮಂಜು ಮುಸುಕಿದಾಗ ಕಂಡು ಬಂದ ದೃಶ್ಯಗಳಿವು

ಕೃಷ್ಣ

2010-09-02T19:00:00.000-07:00

ಮಂಗಳೂರಿನ ಕದ್ರಿ ದೇವಳದಲ್ಲಿ ಕೃಷ್ಣಾಷ್ಟಮಿ ಅಂಗವಾಗಿ ಚಿಣ್ಣರಿಗೆ ಕೃಷ್ಣವೇಷ ಸ್ಪರ್ಧೆ ಆಯೋಜಿಸಲಾಗಿತ್ತು. ಗ್ರೀನ್‌ರೂಮ್‌ನಲ್ಲಿ ಮಿನಿ ಕೃಷ್ಣರಿಗೆ ಮೇಕಪ್‌ ನಡೆಯುತ್ತಿದ್ದಾಗ ಕಂಡುಬಂದ ಕೆಲ ಸನ್ನಿವೇಶಗಳು ಇಲ್ಲಿವೆ

ಬೆತ್ತಲೆ ಜಗತ್ತು....

2010-07-18T10:24:00.000-07:00

the bus completely bare, was rushing towards a garage near mangalore when i saw this and captured the moment(some post processing done)

ಬಿಸಿಯೂಟವಲ್ಲ ಹಸಿವೆಯಾಟ

2010-06-23T19:38:00.000-07:00

ಈಚೆಗೆ ಶಾಲೆಯೊಂದಕ್ಕೆ ಹೋಗಿದ್ದೆ.ಸಂಜೆಯಾದ್ರೂ ಈ ಮಕ್ಕಳು ಊಟ ಮಾಡ್ತಾ ಇದ್ರು...ಶಿಕ್ಷಕಿಗೆ ಕೇಳಿದೆ...ಈ ಮಕ್ಕಳು ತೀರಾ ಬಡವರು, ಮನೆಗೆ ಹೋದ್ರೂ ತಿನ್ನೋಕೆ ಏನಿಲ್ಲ..ಹಾಗಾಗಿ ಶಾಲೆಯಲ್ಲಿ ಮಧ್ಯಾಹ್ನದ ಉಳಿದ ಬಿಸಿಯೂಟವನ್ನೇ ಉಳಿಸಿ ಅವರಿಗೆ ಸಂಜೆ ಬಡಿಸ್ತಾರೆ ಅನ್ನುವ ವಿಷಯ ಗೊತ್ತಾಯ್ತು...ತನ್ಮಯರಾಗಿ ಊಟ ಮಾಡುವ ಈ ಎಳೆಯ ಜೀವಗಳಲ್ಲಿ ಇನ್ನೂ ಜೀವನೋತ್ಸಾಹ ಇರುವುದೇ ಈ ಫೋಟೋಕ್ಕೆ ಕಾರಣವಾಯ್ತು

ಕಲ್ಲಂಗಡಿ ಮಕ್ಕಳು

2010-06-05T01:39:00.000-07:00

ಪಾರ್ಕೊಂದಕ್ಕೆ ಹೋದಾಗ ಕಲ್ಲಂಗಡಿ ಹಣ್ಣು ತಿಂತಿದ್ದ ಈ ಮಕ್ಕಳ ಪೋಸ್ ಇಷ್ಟ ಆಯ್ತು...ಹಾಗೆ ಕ್ಲಿಕ್ಕಿಸಿದಾಗ....

ಹಸಿರೆಡೆಗೆ ಹೆಜ್ಜೆ

2010-03-19T02:28:00.000-07:00

ಸ್ವರ್ಗಕ್ಕೆ ದಾರಿ !

2010-01-28T20:24:00.000-08:00

ಕುದುರೆಮುಖಕ್ಕೆ ಹೋಗುವಾಗ ಸಿಗುವ ದಾರಿಯಿದು. ಬೋಳುಗುಡ್ಡಗಳು, ಇಕ್ಕೆಲಗಳಲ್ಲಿ ಶೋಲಾಕಾಡು, ನಡುವೆ ಸಾಗುವ ದಾರಿ...ಬಿಸಿಲು ನೆರಳಿನ ಆಟ ಕಂಡುಬಂದಿದ್ದು ಹೀಗೆ...

ಭತ್ತ ಬಿಡಿಸುವುದು

2010-01-06T09:56:00.000-08:00

ಇದು ನನಗಂತೂ ಬಹಳ ಅಪರೂಪದ ದೃಶ್ಯ! ಸಾಮಾನ್ಯವಾಗಿ ಭತ್ತ ಬಿಡಿಸುವ ಹಳೆಯ ತಂತ್ರವಿದು. ದನಗಳನ್ನು ಸಾಲಾಗಿ ಕಟ್ಟಿ ಭತ್ತದ ಒಣ ತೆನೆಗಳ ಮೇಲೆ ಹಾಯಿಸುವುದು. ಆಗ ಭತ್ತ ಕೆಳಗೆ ಬೀಳುವುದು, ಅದನ್ನೇ ನಂತರ ಸಂಗ್ರಹಿಸುವುದು...ಮೊನ್ನೆ ಚಾರಣ ಹೋಗಿದ್ದಾಗ ಕುದುರೆಮುಖ ಸಮೀಪದ ಸಂಸೆ ಬಳಿ ಕಂಡು ಬಂದ ಸನ್ನಿವೇಶವಿದು....

ನಮ್ಮ ಕಷ್ಟ ನಮಗ್ಗೊತ್ತು!

2009-12-20T22:20:00.000-08:00

ಬಂಟ್ವಾಳದ ಗ್ರಾಮವೊಂದರಲ್ಲಿ ತಮ್ಮ ಕಾಲೊನಿಗೆ ಮಾರ್ಗ ನಿರ್ಮಿಸಲು ಮಹಿಳೆಯರೇ ಮುಂದಾದರು...ಆ ಬಗ್ಗೆ ಲೇಖನ ಮಾಡಲು ಹೋಗಿದ್ದೆ. ಆಗ ಕ್ಲಿಕ್ಕಿಸಿದ ಚಿತ್ರಗಳಲ್ಲೊಂದು ಇಲ್ಲಿದೆ. ೩೫ ಮಹಿಳೆಯರು, ಅವರಿಗೆ ನೆರವಾಗಲು ೧೩ ಪುರುಷರು ಸೇರಿಕೊಂಡು ಬಲ್ಲೆಕೋಡಿ ಎಂಬಲ್ಲಿ ರಸ್ತೆ ನಿರ್ಮಿಸಿದರು...

ಕ್ಯಾಬೇಜ್ ಫ್ರೈ

2009-10-14T03:49:00.000-07:00

ಬೆಳಗ್ಗೆ ಚಪಾತಿಗೆಂದು ಅಮ್ಮ ಬಾಣಲೆಯಲ್ಲಿ ಕ್ಯಾಬೇಜ್ ಪಲ್ಯ ಇರಿಸಿದ್ದರು. ತಿನ್ನುವ ಮೊದಲು ಹೀಗೊಂದು ಚಿತ್ರ ತೆಗೆಯೋಣ ಅನ್ನಿಸಿತು. ಬಾಣಲೆಯ ಕೈಗಷ್ಟೇ ಫೋಕಸ್ ಮಾಡಿ ಉಳಿದದ್ದನ್ನು ಉದ್ದೇಶಪೂರ್ವಕ ಬ್ಲರ‍್ ಮಾಡಲಾಗಿದೆ....ಒಂಥರಾ abstract photo ಎಂದರೂ ಅಡ್ಡಿಯಿಲ್ಲ...

2009-10-06T22:07:00.000-07:00

ಫೋಟೋಗ್ರಫಿಯಲ್ಲಿ ಸ್ಟ್ರೀಟ್ ಫೋಟೋಗ್ರಫಿಗೆ ಅದರದ್ದೇ ಆದ ಮಹತ್ವ ಇದೆ. ಹೊಸ ಸ್ಥಳಗಳಿಗೆ ಹೋದಾಗ, ನಿಮ್ಮದೇ ಸ್ಥಳದಲ್ಲಿ ತಿರುಗುವಾಗ, ಮಾರ್ಕೆಟ್ ಸುತ್ತು ಹಾಕುವಾಗ ನಿಮ್ಮಲ್ಲಿ ವಿಶೇಷತೆ, ವಿಶೇಷ ಕೋನ ಗ್ರಹಿಸುವ ಕಂಗಳಿದ್ದರೆ ಸ್ಟ್ರೀಟ್ ಫೋಟೋಗ್ರಫಿ ಸುಲಭ. ಇತ್ತೀಚೆಗೆ ಹಂಪಿ, ಬಿಜಾಪುರ ಪ್ರವಾಸ ಹೋಗಿದ್ದಾಗ ಹೀಗೇ ಕ್ಲಿಕ್ಕಿಸಿದ ಕೆಲ ಅಂತಹ ಫೋಟೋಗಳು ಇಲ್ಲಿವೆ...ಹೇಗನಿಸಿತು ಹೇಳಿ...

ಶಾಲೆಗೆ ಹೋಗೋಣ ಬಾ...

2009-08-17T19:21:00.000-07:00

ಕೆಂಪು ಕೆನ್ನೆಗೂದಲಿನ ಬುಲ್ ಬುಲ್(red whiskered bulbul)

2009-08-03T21:48:00.000-07:00

ಮನೆ ಮುಂದಿನ ಪಪ್ಪಾಯಿ ಮೇಲೊಂದು ಕಣ್ಣಿರಿಸಿದ್ದ ಈ ಬುಲ್‌ಬುಲ್‌ ಹಣ್ಣಾಗುವುದನ್ನು ಕಾಯುತ್ತಲೇ ಇತ್ತು...ನಾನೂ ಆ ಹಣ್ಣಿಗಾಗಿ ಬರುವ ಹಕ್ಕಿಗಳಿಗೆ ಕಾಯುತ್ತಲೇ ಇದ್ದೆ !

ಬಲೆ ಮೀನಿಗಲ್ಲ....

2009-08-03T03:59:00.000-07:00

ಮಳೆಗಾಲದಲ್ಲಿ ತುಂಬಿ ಹರಿಯುವ ನದಿಗಳಲ್ಲಿ ತೇಲಿ ಬರುವ ಅಡಕೆ, ತೆಂಗಿನಕಾಯಿ ಹಿಡಿಯುವುದಕ್ಕೆ ದಕ್ಷಿಣ ಕನ್ನಡದ ಗ್ರಾಮಸ್ಥರು ಕಂಡುಕೊಂಡ ವಿಧಾನವಿದು. ಜಿಲ್ಲೆಯ ಹಳ್ಳಿಗಳಿಗೆ ತೆರಳಿದರೆ ಹೀಗೆ ಬಿದಿರಿಗೆ ಬುಟ್ಟಿಕಟ್ಟಿ ತೆಂಗು ಅಡಕೆ ಹಿಡಿಯುತ್ತಿರುತ್ತಾರೆ. ಮಳೆಗಾಲದಲ್ಲಿ ಕೆಲಸ ಕಡಮೆ ಇರುವಾಗ ಹೊಟ್ಟೆಪಾಡಿಗೆ ಒಂದು ಮೂಲವೂ ಆಗುತ್ತದೆ. ಇತ್ತೀಚೆಗೆ ಸುಬ್ರಹ್ಮಣ್ಯ ಕಡೆಗೆ ಹೋಗಿದ್ದಾಗ ಸಿಕ್ಕ ಚಿತ್ರವಿದು

ಅಜ್ಜಜ್ಜಿ !

2009-07-23T10:53:00.000-07:00

ಈ ಗಟ್ಟಿಗಿತ್ತಿ ಅಜ್ಜಿ ಸಿಕ್ಕಿದ್ದು ಮೊನ್ನೆ ಬಾಂಜಾರಮಲೆಗೆ ಚಾರಣ ಹೋದಾಗ. ಅಲ್ಲಿನ ಮಲೆಕುಡಿಯ ಜನಾಂಗದ ಈ ಅಜ್ಜಿಗೀಗ ಸುಮಾರು ೯೦ ವರುಷವಂತೆ..ಹೇಗಿದಾರೆ ಹೇಳಿ !

ಕಾಡಿನಿಂದ ನಾಡಿಗೆ

2009-06-10T07:46:00.000-07:00

ಈ ಅಜ್ಜ ಕಾಣಸಿಕ್ಕಿದ್ದು ಕೆಲ ತಿಂಗಳ ಮೊದಲು ಕುದುರೆಮುಖಕ್ಕೆ ಚಾರಣ ಹೋಗುವ ದಾರಿಯಲ್ಲಿ. ನಾವು ಕಾಡಿನತ್ತ ತೆರಳುವಾಗ, ಈ ತಾತ ಕಾಡಿನಿಂದ ಉರುವಲು ಹಿಡಿದು ಮನೆಗೆ ಮರಳುತ್ತಿದ್ದರು

ಬಾ ಬಾ ಚಿಟ್ಟೆ, ಬಣ್ಣದ ಚಿಟ್ಟೆ...

2009-05-31T06:27:00.000-07:00

oriental magpie robin

2009-05-06T20:56:00.000-07:00

ಸಾಮಾನ್ಯವಾಗಿ ನಮ್ಮ ಮನೆ ಸುತ್ತ ಮುತ್ತ ಮರಗಳಲ್ಲಿ ಕಾಣಸಿಗುವ ಹಕ್ಕಿ ಇದು. ಇದರ ಹೆಸರು oriental magpie robin. ಒಂದು ಬೆಳಗ್ಗೆ ಅದು ಹೇಗೋ ಕಷ್ಟಪಟ್ಟು ಸೆರೆಹಿಡಿದ ಚಿತ್ರಗಳಲ್ಲಿ ಕೆಲವು ಇಲ್ಲಿವೆ...

ತಳ್ಳು ದೋಣಿ ಐಸಾ

2009-04-30T22:02:00.000-07:00

ಸಮುದ್ರತೀರ ಸದಾ ಚಟುವಟಿಕೆಯ ಕೇಂದ್ರ...ಸುರತ್ಕಲ್ ಬೀಚಲ್ಲಿ ಇತ್ತೀಚೆಗೆ ಮೀನುಗಾರರು ದೋಣಿ ಎಳೆಯುವ ದೃಶ್ಯ ಸಿಕ್ಕಿತು..ಜತೆಗೆ ಕಾಗೆಗಳ ಹಾರಾಟ ಈ ಫ್ರೇಮ್‌ಗೆ ಸಿಕ್ಕ ಬೋನಸ್ !

2009-03-12T20:39:00.000-07:00

ಅಮೇರಿಕಾ, ಯುರೋಪ್ ದೇಶಗಳಲ್ಲಿ ಕಂಡುಬರುವ ಈ ರೀತಿಯ ‘ಆಟಂ ಲೀವ್ಸ್’ ಕಂಡುಬಂದಿದ್ದು ಊಟಿಯ ಬೊಟಾನಿಕಲ್ ಗಾರ್ಡನ್‌ನಲ್ಲಿ...

ಕೆಂಬೂತದ ಸ್ಕೆಚ್ !

2009-02-19T18:04:00.000-08:00

ಮೊನ್ನೆ ಬೆಳಗ್ಗೆ ಎದ್ದು ಕಾಂಪೌಂಡ್ ಬಳಿ ಸುತ್ತಾಡುವಾಗ ಕಣ್ಣಿಗೆ ಬಂದದ್ದು ಈ ಅತಿಥಿ. ಕಾಂಪೌಂಡ್ ಮೇಲೊಮ್ಮೆ, ಪಕ್ಕದ ಮುಳ್ಳಿನ ಪೊದೆಯ ಮೇಲೊಮ್ಮೆ ಕುಳಿತು ‘ಸ್ಕೆಚ್’ ಹಾಕುತ್ತಿದ್ದರು ಈ ಕೆಂಬೂತ ಸಾಹೇಬ್ರು! ಸಾಮಾನ್ಯವಾಗಿ ಹಲ್ಲಿ, ಹುಳ, ಇತರ ಹಕ್ಕಿಗಳ ಮೊಟ್ಟೆ ಈ ಕೆಂಬೂತ ಅಲಿಯಾಸ್ Greater Coucal ಎಂಬ ಕಾಗೆ ವರ್ಗದ ಪಕ್ಷಿಯ ಆಹಾರಗಳು. ನಾವು ಚಿಕ್ಕವರಿದ್ದಾಗಲೇ ಈ ಹಕ್ಕಿಯ ಬಗ್ಗೆ ಒಂಥರಾ ಭಯ, ಭಕ್ತಿ. ಈ ಹಕ್ಕಿ ಮರದಿಂದ ಮರಕ್ಕೆ ಹಾರುವುದು ಅಪರೂಪವಂತೆ..ನೆಲದ ಮೇಲೆ ಓಡಾಡುತ್ತಾ ಆಹಾರ ಸಂಗ್ರಹಿಸುವ ಇದು ನಾನ್ ವೆಜಿಟೇರಿಯನ್. ಇಂತಿಪ್ಪ ಕೆಂಬೂತದ ಕೆಲ ಭಂಗಿಗಳು ನಿಮ್ಮ ಮುಂದೆ

ಮುಖ ಬ್ಲರ್‍ ಆದರೇನು!!

2009-01-12T18:59:00.000-08:00

ಮೊನ್ನೆ ಮೊನ್ನೆ ಕಾಲೇಜಿಗೆ ರಜೆಯಾದ್ದರಿಂದ ತಂಗಿ, ಅತ್ತಿಗೆ ಮನೆಗೆ ಬಂದಿದ್ರು...ಮನೆಗೆ ಬಂದವರಿಗೆ ಸುರತ್ಕಲ್ ಕಡಲತೀರ ನೋಡಲೇಬೇಕು! ಹಾಗೆ ಕಡಲಮುಂದೆ ಕುಂತಿದ್ದಾಗ ಫೋಟೋ ತೆಗೆಯುತ್ತಾ ಇದ್ದೆ. ಮನೆಯಲ್ಲಿ ಕಂಪ್ಯೂಟರಿಗೆ ಹಾಕಿದಾಗ ಈ ಫೋಟೋ ಗಮನ ಸೆಳೆಯಿತು. ಹಿಂದಿನ ಮುಖದ ಬದಲು ಫೋರ್‌ಗ್ರೌಂಡಲ್ಲಿರುವ ತಲೆಕೂದಲಿಗೆ ಲೆನ್ಸ್ ಫೋಕಸ್ ಆಗಿತ್ತು ಹಿಂದೆ ಬ್ಲರ್‍ ಆದ ಮುಖ...ವಿಶೇಷ ಚಿತ್ರವೇನೂ ಅಲ್ಲ, ಆದರೂ ಇಂಟರೆಸ್ಟಿಂಗ್ ಇರಬಹುದೇನೋ ಅಂತ ಹಾಕಿದ್ದೇನೆ.

ಕೃಷಿ ಭೂಮಿ ಮಾರಾಟಕ್ಕಿದೆ!!!

2008-12-20T03:23:00.000-08:00

ಕೃಷಿಯಲ್ಲಿ ಏನೇನೂ ಸುಖವಿಲ್ಲ ಎಂಬ ಮಾತು ಎಲ್ಲಿ ಹೋದರೂ ಬಿಡದು. ಕೃಷಿಕರನ್ನು ಕಾಡುವಷ್ಟು ಸಮಸ್ಯೆ ಬೇರೆ ಯಾರನ್ನೂ ಕಾಡದು...ಹಾಗಾಗಿ ಇದ್ದ ಜಾಗವನ್ನು ಮಾರಾಟ ಮಾಡಿ ನಗರಕ್ಕೆ ಹೋಗೋಣ ಎನ್ನುವುದು ಹಳ್ಳಿಗರದ್ದೂ ಯೋಚನೆ...ಇತ್ತೀಚೆಗೆ ಪಿರಿಯಪಟ್ಟಣ ಸಮೀಪ ಹೋಗುತ್ತಿದ್ದಾಗ ಹಸಿರು ಭೂಮಿಯೊಂದರಲ್ಲಿ ಕೆಂಪು ಅಕ್ಷರದಲ್ಲಿ ಹಾಕಿದ್ದ ಈ ಫಲಕ ಯಾಕೋ ಬಹಳ ನೋವು ತಂದಿತು.

ಒಂದು ಸಂಜೆ ಕಡಲತೀರ ಯಾನ

2008-11-22T08:31:00.000-08:00

ಕಡಲತೀರಗಳೆಂದರೆ ಸದಾ ನನಗೆ ಆಕರ್ಷಣೆ. ಸುಮ್ಮನೆ ನಮ್ಮೂರ ಬೀಚುಗಳಿಗೆ ಹೋಗಿ ಸಂಜೆಯಾಗುತ್ತಲೇ ಅವುಗಳು ತೆರೆದುಕೊಳ್ಳುವ ಚಟುವಟಿಕೆ ಗಮನಿಸುತ್ತಿದ್ದರೆ ಎಂತಹ ಒತ್ತಡವೂ ದೂರವಾಗಲೇಬೇಕು...ಮೊನ್ನೆ ನಮ್ಮೂರ ಸುರತ್ಕಲ್ ಬೀಚಿಗೆ ಹೋಗಿದ್ದೆ. ಹೆಗಲಲ್ಲಿ ಕ್ಯಾಮೆರಾ ಕೂಡಾ ಇತ್ತು. ಮೋಡ ಕವಿದಿದ್ದ ಕಾರಣ ಯಾವ ಫೋಟೋ ಸಿಗದೆಂಬ ಗ್ಯಾರಂಟಿಯಿತ್ತು. ಆದರೂ ಸೂರ್ಯ ಇನ್ನೇನು ಕಡಲಿಗೆ ಜೊಂಯ್ಯೆಂದು ಮುಳುಗಬೇಕು ಎಂದಿರುವಾಗಲೇ ಆಗಸಕ್ಕೊಂದು ವಿಚಿತ್ರ ಬಣ್ಣ ಬಂತು. ಮುಂದೆ ಕೆಲ ಸರಕಿನ ಹಡಗುಗಳು ಸಾಗುತ್ತಿದ್ದವು. ಕ್ಯಾಮೆರಾ ಲೆನ್ಸ್ ಪೂರ್ತಿ ಟೆಲಿಫೋಟೋ ಮೋಡ್‌ಗೆ ಇರಿಸಿ ಒಂದಿಷ್ಟು ಕ್ಲಿಕ್ಕಿಸಿದೆ. ಫಲಿತಾಂಶ ನಿಮ್ಮ ಮುಂದಿದೆ(ಇಲ್ಲಿ ಸಿಕ್ಕ ವರ್ಣಗಳು ಫೋಟೋಶಾಪ್‌ನಲ್ಲಿ ಎಡಿಟ್ ಮಾಡಿದ್ದಲ್ಲ. ಒರಿಜಿನಲ್)

ಗಿಳಿವಿಂಡಿನ ಜಂಭದ ಸದಸ್ಯರು

2008-11-06T18:15:00.000-08:00

ಹಕ್ಕಿಗಳ ಫೋಟೋ ತೆಗೆಯುವಲ್ಲಿ ನಾನು ಎಡವಿದ್ದೇ ಜಾಸ್ತಿ...ಹಕ್ಕಿಗಳ ಚೆನ್ನಾದ ಫೋಟೋ ತೆಗೆಯುವುದಕ್ಕೆ ಎಸ್‌ಎಲ್‌ಆರ್‍ ಕ್ಯಾಮೆರಾ ಜತೆಗೆ ಕನಿಷ್ಠ ೩೦೦ ಎಂ.ಎಂ ಟೆಲಿಫೋಟೋ ಲೆನ್ಸ್ ಅತಿ ಅಗತ್ಯ. ನನ್ನ ಬಳಿ ಇರುವುದು ಪ್ರೊಫೆಷನಲ್ ಕ್ಯಾಮೆರಾ ಅಲ್ಲ. ೧೨ ಎಕ್ಸ್ ಝೂಮ್ ಲೆನ್ಸ್‌ ಅದರಲ್ಲಿದೆ, ಆದರೂ ಎಸ್‌ಎಲ್‌ಆರ್‍ ಲೆನ್ಸ್‌ನಷ್ಟು ಸ್ಪಷ್ಟವಾಗಿ ಬಿಂಬ ಮೂಡುವುದಿಲ್ಲ.

ಇರಲಿ...ಹಾಗಿದ್ದರೂ ನಾನು ಸ್ವಲ್ಪವಾದರೂ ಖುಷಿಪಟ್ಟಿರುವ ಕೆಲ ಫೋಟೋಗಳು ಇಲ್ಲಿವೆ.

ಪೈರು ತಿನ್ನಲು ಆಗಮಿಸಿದ್ದ ಗಿಳಿವಿಂಡಿನ ಕೆಲಸದಸ್ಯರು ಸಿಕ್ಕಿದ್ದು ಮಡಿಕೇರಿ ಬಳಿಯ ಸಿದ್ದಾಪುರಕ್ಕೆ ಹೋಗಿದ್ದಾಗ. ..

ಕನ್ನಡದ ಬಣ್ಣ

2008-10-15T20:13:00.000-07:00

ಕರ್ನಾಟಕವೆಂದರೆ ವರ್ಣಮಯ, ಯಾವುದೋ ಬಸ್ಸಲ್ಲಿ ಪ್ರಯಾಣಿಸುವಾಗ ಕನ್ನಡಾಂಬೆಯಂತೇ ಕಂಡುಬಂದ ಈ ಮಹಿಳೆ ಗಮನ ಸೆಳೆದಳು!

ಮತ್ಸ್ಯ ಕುತೂಹಲ

2008-09-06T23:36:00.000-07:00

ದೋಣಿಗಳಲ್ಲಿ ತೆರಳಿ ಮೀನುಗಾರಿಕೆ ನಡೆಸುವವರು ಕೆಲವರಾದರೆ ಹೀಗೇ ಮನೆ ಸಮೀಪ ಅದರಲ್ಲೂ ಕಡಲು ಮುನಿದಿರುವಾಗ ಸಪುರದ ನೂಲಿಗೆ ಹುಕ್ ಬಳಸಿ ಮೀನು ಹಿಡಿಯುವವರು ಹಲವರು. ಮಂಗಳೂರಿನ ಸಸಿಹಿತ್ಲು ಸಮೀಪ ನಂದಿನಿ ನದಿ ಕಡಲಿಗೆ ಸೇರುವಲ್ಲಿ ಹೀಗೇ ಮೀನುಗಾರನೊಬ್ಬ ಏಕಾಂಗಿಯಾಗಿ ಕಂಡುಬಂದಾಗ.....ಗಾಳಕ್ಕೆ ಸಿಕ್ಕ ಮೀನು ಹೇಗಿರಬಹುದು ಎಂಬ ಕುತೂಹಲ ನಮ್ಮಂತೆಯೇ ಇವರಿಗೂ ಇರಬಹುದೇನೋ !

ಮಿಡತೆ ಗುಲಾಬಿ

2008-08-26T00:48:00.000-07:00

ಕೆಂಗುಲಾಬಿಯ ಚೆಲುವಿಗೆ ಈ ಮಿಡತೆ ಮಾರು ಹೋದಂತಿದೆ. ಮೋಡಮುಸುಕಿದ ವಾತಾವರಣದಿಂದ ಚಿತ್ರ ತಾಂತ್ರಿಕ ದೃಷ್ಟಿಯಿಂದ ಅಷ್ಟು ಚೆನ್ನಾಗಿ ಬಂದಿಲ್ಲ...ಆದರೆ ಪ್ರಕೃತಿಯಲ್ಲಿನ ವಿವಿಧ ಹಸಿರು ವರ್ಣವೈವಿಧ್ಯದೊಂದಿಗೆ ಈ ಮಿಡತೆಯ ವರ್ಣ ಮ್ಯಾಚಿಂಗ್ ಆಗುವಂತೆ ಕಂಡುಬಂತು

ನೀಲಿ ಮಳೆ!

2008-08-13T08:24:00.000-07:00

ಇತ್ತೀಚೆಗೆ ಬೆಳಗ್ಗೆ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದೆ. ಯಾವುದೋ ಸ್ಟೇಷನ್‌ನಲ್ಲಿ ರೈಲು ನಿಂತಿತ್ತು. ಮಳೆ ಬರುತ್ತಿದ್ದರಿಂದ ಕಿಟಿಕಿಯಲ್ಲಿ ನೀರಿನ ಹನಿ. ಹಿನ್ನೆಲೆಯಲ್ಲಿ ಇನ್ನೊಂದು ರೈಲಿನ ಗಾಢ ನೀಲಿ ವರ್ಣ ಆಕರ್ಷಕವಾಗಿ ಕಂಡುಬಂತು. ಆಗ ಕ್ಲಿಕ್ಕಿಸಿದ ಫೋಟೋ ನಿಮ್ಮ ಮುಂದಿದೆ. ನಿಮಗೆ ಹೇಗನಿಸಿತು?

ಮಗು - ನಗು

2008-08-06T20:49:00.000-07:00

ಮಕ್ಕಳೆಂದರೆ ಹೇಗಿದ್ರೂ ಚೆಂದ. ಇಲ್ಲಿರೋನು ನನ್ನ ಚಿಕ್ಕಪ್ಪನ ಮಗ ಆಗಮ. ಕ್ಯಾಮೆರಾ ನೋಡಿದ್ರೆ ಸಿಟ್ಟು, ಅಳು ಎರಡೂ ಬರುತ್ತೆ. ಅವನಿಗೆ ಗೊತ್ತಾಗದ ಹಾಗೆ ತೆಗೆದ ಎರಡು ಕ್ಷಣಗಳು ಇಲ್ಲಿವೆ